Vinnslur

Réttindi reiknast á þá deild sem er skráð á launafærslur hverju sinni.

Ef starfsmaður flyst á milli deilda, getur verið ástæða til að flytja réttindafærslurnar með honum yfir.  Það er að segja ef kostnaður við greiðslu réttindanna má falla á þá deild sem starfsmaðurinn er í þegar réttindin eru gerð upp.

Vinnslan er tekin á hvern launalið fyrir sig og ef engin frekari skilyrði eru sett inn þá er keyrt á alla starfsmenn í fyrirtækinu.

Nú geta notendur vistað út excelskjal með upplýsingum um starfsmenn, af hvaða deild fluttist réttindafærslur og fjöldi eininga sem voru fluttar.

Hér er hægt að hækka fastar lífeyrissjóðsgreiðslur eftir vísitölu.  Tekinn er hver sjóður fyrir sig og sett inn viðmiðunarvísitala og ný vísitala. 

Fastar lífeyrissjóðsgreiðslur eru föst tala á starfsmanni, bæði iðgjald og mótframlag.

Við núllstillingu á réttindum og/eða starfsaldri er eldri staða úr fyrri útborgunum núllstillt og færslur settar í útborgun,  Þessi vinnsla hentar þegar hreinsa á út alla stöðu miðað við tiltekinn mánuð.  Til dæmis ef tímaskráningarkerfi sendir inn stöðu á starfsaldri í hverjum mánuði.

Ef núllstilla á orlofsuppbót þarf að gera það á annan hátt því þegar orlofsuppbótin er greidd í maí eða júní er komin inn uppsöfnun fyrir þá mánuði sem mega ekki hreinsast út.

/wiki/spaces/H3/pages/18055204.

Nú er hægt að sannreyna bankaupplýsingar með vefþjónustu áður en útborgun er lokuð.

Sjá nánar hér: Sannreyna bankaupplýsingar með vefþjónustu

Þessa vinnslu skal nota varlega.

Þegar laun eru staðfest, skráð eða lesin inn þá fer verknúmer og deildarnúmer úr starfsmanninum á hverja færslu, þessu er hægt að breyta í skráningu eða setja í innlestrarskrána.  Ef einungis verknúmeri á færslu er breytt fylgir deildin ekki með.

Þessi vinnsla er keyrð til þess að sækja deildarnúmerið á verkinu í Stofn/Verk.

Athuga aðalstarfsmerkingar
Finnur þá launamenn sem merktir eru með aðalstarf í fleiri en einu starfi eða hafa enga aðalstarfsmerkingu.

Athuga aðallífeyrissjóðsmerkingar
Finnur þá starfsmenn sem merktir eru með aðallífeyrissjóð í fleiri en einum lífeyrissjóð eða hafa engan aðallífeyrissjóð.

Þessi aðgerð er til þess gerð að hægt sé að merkja marga starfsmenn hætta og/eða óvirka í einu, fastir liðir, hlutfallaðir liðir og skattkort auk dagsetninga er sett inn til að flýta fyrir lokunum á starfsmönnum.

Athugið að áður en starfsmenn eru gerðir óvirkir þarf að gera upp safnfærsluliði s.s. orlof, orlofs- og desemberuppbót, hvíldartíma......

Þegar skjámyndin er opnuð í fyrsta sinn kemur sjálfkrafa í hana val um launalausa í 12 mánuði fyrir starfsmenn í starfi eða leyfi.  Eftir að búið er að velja eitthvað annað inn í "Fjölda mánaða"  man kerfið hvað var valið og kemur sjálfkrafa upp með það næst þegar skjámyndin er opnuð.

Staða starfs:

• Launalausir í starfi eða leyfi  -  Ekki ætti að merkja starfmenn óvirka nema skrá þá hætta líka.  Ef merkt er í að  "Gera óvirkan" kemur sjálfkrafa hak í "Skrá hættan"
• Hættir en virkir

Með því að setja hak fyrir aftan fyrirsögnina á dálkinum"Gera óvirkan" má merkja alla í einu og afmerkja þá sem ekki á eiga að vera með í valinu.

Þegar aðgerðin er keyrð verður til sögufærsla á alla starfsmenn sem eru í aðgerðinni.

Vinnslan skráir færslu í tímavídd hjá þeim notendum sem eru búnir að virkja tímavídd, annars er virkni eins og áður.

Dæmi um skráningu fastra og hlutfallaðra liða:

Launalok hjá starfsmanni eru áætluð 31.08.2021 en ákveðið var að framlengja við hann til 15.09.2021, því er kostur að skrá dagsetningu í reitinn “Virkur til” aðeins fram yfir fyrirhuguð launalok til að hægt sé að vinna með liðina í vinnslunni.

Óháð uppbótasöfnun sem á sér stað í hverjum mánuði reiknum við uppbætur eftir ákveðnum forsendum fyrir hverja launatöflu fyrir sig. 

Þessi aðferð við útreikning leggur saman skráða tíma á launaliði sem hafa reiknistofn fyrir uppbót á sér og ber saman við þá tíma sem settir eru inn sem viðmiðunartímar.  Hafi starfsmaður skilað jafnmörgum eða fleiri tímum en viðmiðunartímafjöldinn fær hann eina einingu uppbótar en ef hann nær ekki viðmiðunartíma fær hann uppbót hlutfallslega miðað við unninn tíma.  Einnig er hægt að nota mánuði sem viðmið.

Nánari útskýringu á aðgerðinni má fá með því að smella á linkinn hér vinstra megin.

Þessi aðgerð er notuð ef við höfum fyrir mistök staðfest fasta liði í útborgun sem á að vera án fastra liða, skráðar færslur í sömu útborgun fara ekki út. 

Ef þú vilt nota aðgerðina til að "Byrja upp á nýtt" með útborgun þarf að taka út afstemmingalista að lokinni keyrslunni og eyða út handvirkt skráðum færslum á þá aðila sem koma inn á listann.