5. Launatöflubreytingar

Hér setjum við upp hækkanir á launatöxtum eða einstaka krónuliðum eins og kjarasamningar segja til um eða við ætlum að gera ráð fyrir.

Gildistími er sá mánuður sem hækkunin á að taka gildi frá og hækkunin er virk þar til nýr gildistími á sömu launatöflu er settur inn.

• Heildarbreyting % reiknar út frá grunnupphæð.  Í dæminu hér að ofan á launatöflu 300 er 5% hækkun í mars og 3% aftur í maí.   Ef við gerum þetta einfalt og segjum að launataxtinn hafi byrjað í 100.000,- þá er hækkunin þegar búið er að leggja fyrst 5% og aftur 3% í heildina 8,15%  og taxtinn orðinn 108.150 en ekki 108.000 eins og útkoman væri ef við myndum reikna 8 % ofan á 100.000,-
• Heildarbreyting í % og kr reiknar út frá grunnupphæð.  Í dæminu hér að ofan á launatöflu 200 er 5% hækkun í maí og svo hækkar aftur í september þá um krónur að upphæð 10.000.- Ef við gerum þetta einfalt og segjum að launataxtinn hafi byrjað í 100.000,- þá er hækkunin þegar búið er að leggja fyrst 5% og svo 10.000 og þá er taxtinn orðinn 105.000 í maí til ágúst og svo bættist 10.000 kr frá ágúst til desember og verður þá taxtinn 115.000.
• Heildarbreyting í kr reiknar út frá grunnupphæð. Í dæminu hér fyrir ofan á launatöflu 100 er 10.000 kr hækkun í mars og 18.000 kr aftur í ágúst. Ef við gerum þetta einfalt og segjum að launataxtinn hafi byrjað í 100.000,- þá er hækkunin þegar búið er að leggja fyrst 10.000 og aftur 18.000 í heildina 28.000 kr og taxtinn því orðinn 128.000

Í krónuhlutanum setjum við inn færslur fyrir launaliði sem þarf að reikna eftir að búið er að setja inn tímamagn í áætlunina.

Dæmi:  Orlofsuppbót fyrir starfsmenn VR er kr. 10.000 en var önnur krónutala í raungögnum sem voru sótt, nokkrir starfsmenn byrjuðu á miðju ári og því skilar sér mjög lág upphæð í áætlunina.  Þegar við erum búin að setja þessa starfsmenn í rétt hlutfall alla mánuði áætlunarársins reiknum við upp eingreiðslur í áætluninni og þessi tala er sótt hlutfallslega í aðgerðinni miðað við áætlað vinnuframlag.