Afmælisbörn
Neðst á Verkborðinu má sjá lista yfir næstu afmæli starfsmanna.
Á listanum eru sýnileg 5 næstu afmælisbörn en ef smellt er á hnappinn Opna lista má sjá öll afmælisbörn ársins.
Hægt er að velja hvort allir starfsmenn í starfi birtist á þessum afmælislista eða ekki. Það er gert með því að fara í Laun > Starfsmenn (eða Stjórnun > Starfsmenn), finna reitinn/dálkinn Birting og velja „Á ekki að sjást“ ef starfsmaðurinn á ekki að birtast á afmælislistanum eða „Birta á innri vef“ ef starfsmaðurinn á að birtast á afmælislistanum.
Athugaðu að starfsmenn sem settir hafa verið í stöðuna „Hættur“ birtast ekki á afmælislistanum, jafnvel þótt stillingin „Birta á innri vef“ hafi verið valin í reitnum/dálkinum Birting.
Áminningar um afmæli
Stilla má áminningar fyrir afmæli starfsmanna í gegnum verkborðið. Hægt er að láta senda sjálfvirkar áminningar á stjórnendur um afmæli starfsmanna og einnig er hægt að senda áminningu á svonefnda umsjónarmenn sem hafa hlutverk sem tengjast afmælum, s.s. að panta gjafir. Ennfremur er hægt að láta senda sjálfkrafa póst á starfsmanninn sjálfan á afmælisdegi hans.
Til að stilla áminningar er farið í Stjórnun - Verkborð - Stilla áminningar (undir Afmælisbörn). Þar má annað hvort breyta áminningu sem til er fyrir eða setja upp nýja áminningu (Ný áminning).
Fylla þarf út reitina Deild (t.d. velja ALLT ef engin deild á að vera undanskilin) og Efni og setja inn viðeigandi breytur og/eða texta í reitinn Meginmál.
Breyturnar Nafn afmælisbarns $[nafn] og Afmæli $[lokafrestur] eiga eingöngu við þegar verið er að setja upp tölvupóstsniðmát fyrir starfsmanninn sjálfan, þ.e. fyrir afmæliskveðju til starfsmannsins.
Breytan Afmælislisti $[verkefnalisti] á eingöngu við þegar tölvupóstsniðmát er sett upp fyrir Stjórnanda eða Umsjónarmann.
Því næst er smellt á hnappinn Ný lína.
Í reitinn Fjöldi daga fyrir (+/-) er settur inn dagafjöldi fyrir afmælisdag sem áminningin á að berast (talan 2 þýðir til dæmis að áminningar verða sendar tveimur dögum fyrir hvert afmæli), valinn Móttakandi, t.d. Stjórnandi (næsti yfirmaður) og í lokin smellt á Vista.
Nýir umsjónarmenn eru stofnaðir með því að smella á Stilla áminningar og svo Umsjónarmenn:
Hér er dæmi um uppsetningu á afmæliskveðju sem send er á starfsmanninn sjálfan, á afmælisdeginum hans:
Hafi áminningar ekki verið notaðar áður hjá fyrirtækinu þarf að byrja á að láta virkja þær. Við mælum með að hafa samband við h3@advania.is til að virkja áminningarnar.
Til þess að geta stillt áminningar um afmæli þarf notandi einnig að hafa aðgangseininguna dash1041 í aðganginum sínum.