- Stofna útborgun
- Keyra inn orlofs- og þrepahækkanir ef það á við
- Staðfesta fasta liði
Til að lesa inn er farið í Laun / Innlestur / Skráningar
Skráin sem lesa á inn verður að vera skv. neðangreindri skráarlýsingu og innlestrargögn að vera í semikommuskiptum lista.
Í hvert sinn sem ný skrá er lesin inn verður til ný innlestrarfærsla með einkvæmu númeri.
Alltaf er lesin inn heildarskrá. Þ.e. ef villa leynist í skránni er öllum innlestrinum hafnað og villuboð eru birt.
Sé skrá hafnað kemur villulýsing og hægt er að laga skrána eða fá nýja skrá senda úr þeim forritum sem skrifa færslurnar.
Skráarlýsingin
Dæmi:
0801574049;08015740491;0;0;0;101;1;
Lýsing einstakra sviða:
Kennitala: Er borin saman við launamannatöflu. Kennitala á ekki að vera með "-" og fremst á að vera 0 þar sem sem það á við. Kennitala er skilyrt svæði, þ.a. innlestri er hafnað ef einhverja kennitölu vantar, eða hún er ekki til í launamannatöflu.
Starfsnúmer: Í kerfinu er starfsnúmerið alltaf kennitala + tölustafur t.d. 1. Ef starfsnúmer færslu er tómt eru hún sett á aðalstarfið. Ef starfsnúmer færslu er bara talan, sem bætt er við kennitöluna, er færslan sett á starfsnúmerið kennitala + talan. Ef starfsnúmer(starfsmaður) finnst ekki er öllum færslum hafnað.
Launaflokkur: Oftast er þetta svæði tómt. Þá er náð í launaflokkaupplýsingar í starfsmanninn, en annars er það gildi notað, sem lesið er inn. Tómt svæði má vera ;; eða ; ; eða ;0;. Færslu er aldrei hafnað vegna launaflokks.
Þrep: Oftast er þetta svæði tómt. Þá er náð í þrepaupplýsingar í starfsmanninn, en annars er það gildi notað, sem lesið er inn. Tómt svæði má vera ;; eða ; ; eða ;0;. Færslu er aldrei hafnað vegna þreps.
Launaliður: Launaliður er það númer í launaliðaskránni, sem færslan bókast á. Launaliður er skilyrt svæði, þ.a. innlestri er hafnað ef einhvern launalið vantar, eða hann er ekki til í launaliðatöflu.
Einingar: Einingar er sá einingafjöldi, sem færslan inniheldur. Tómt svæði skilar sér sem 0. Ef bókstafur/ir er/u skráður/ir í sviðið kemur villa og öllum færslum er hafnað.
Einingaverð: Oftast er þetta svæði tómt. Tómt svæði má vera ;; eða ; ; eða ;0;. Gildi þessa svæðis er ekki notað ef einhver upphæð önnur en 0 finnst í launatöflu starfsmannsins eða í sameiginlegu launatöflunni. Margfeldið einingar*einingaverð gefur samtalsupphæð færslunnar. Ef bókstafur/ir er/u skráður/ir í sviðið kemur villa og öllum færslum er hafnað.
Deild: Ef færslan á að fara á aðra deild en þá, sem starfsmaðurinn er skráður í, á að setja inn númer þeirrar deildar. Annars er sviðið tómt þ.e. annað hvort ;; eða ; ;. Öllum færslum er hafnað ef númer deildar er ekki til. Þetta á líka við um deild númer 0.
Frá dags: Oftast er þetta svæði tómt, og þá verður "Til dags" einnig að vera tómt. Þá setja HLaun inn dagsetningar í skráningu til samræmis við færsludagsetningu útborgunarinnar og líta á allan innlestur sem eftirágreidd laun. Vilji notandi sjálfur setja aðrar dagsetningar í innlestri verður að setja gildi í bæði dagsetningarsviðin. Leyfilegar dagsetningar hafa formið "ddmmáá" eða "ddmmáááá". Ef einhver frá-dagsetning er ekki á réttu formi er öllum færslum hafnað. Tómt svæði má vera ;; eða ; ; eða ;0;.
Til dags: Oftast er þetta svæði tómt, og þá verður "Frá dags" einnig að vera tómt. Þá setja HLaun inn dagsetningar í skráningu til samræmis við færsludagsetningu útborgunarinnar og líta á allan innlestur sem eftirágreidd laun. Vilji notandi sjálfur setja aðrar dagsetningar í innlestri verður að setja gildi í bæði dagsetningarsviðin. Ef einhver til-dagsetning er ekki á réttu formi er öllum færslum hafnað. Tómt svæði má vera ;; eða ; ; eða ;0;.
Launatafla: Sviðið er eingöngu notað ef starfsmaður á að fá greitt eftir annarri launatöflu en hann er í. Annars er sviðið tómt þ.e. annað hvort ;; eða ; ;. Færslu er aldrei hafnað vegna launatöflu.
Skýring: Sjálfgefið gildi er heiti launaliðar, en hægt að skrá annan texta, sem yfirskrifar þann sjálfgefna.
Verk: Sé vinna starfsmanns brotin niður á verk er númer þess skráð hér. Öllum færslum er hafnað ef númer verks er ekki til.
Mánuður: Oftast er þetta svæði tómt. Þá setur launakerfið inn mánuð útborgunarinnar, þann fyrri ef þeir eru tveir. Ekki er hægt að setja inn mánuð sem ekki passar við útborgunina. Ef það er reynt kemur villa. Aldrei er hægt að lesa inn á lokaðann mánuð, eða mánuð sem ekki er til í stofntöflu mánaða.
Starfsstétt: Ef ekkert er skráð hér er starfsstétt viðkomandi starfsmanns notuð. Villu er kastað ef notað er númer starfsstéttar, sem ekki er til.
Starfsheiti: Ef ekkert er skráð hér er starfsheiti viðkomandi starfsmanns notað. Villu er kastað ef notað er númer starfsheitis, sem ekki er til.
Annað: Í þetta svið er hægt að setja skýringartexta, allt að 300 stafi.
Hér má finna skráarlýsinguna á ensku:
