Veikindi

Bakvörður heldur utan um veikindi starfsmanna (ástæðan VE) og veikindi barna starfsmanna (ástæðan VB).

Einnig er hægt að halda utan um veikindarétt starfsmanna og rétt vegna veikinda barna.

Útreikningur á veikindarétti

Í Bakverði eru upp settir samningar vegna veikindaréttar fyrir eftirfarandi samningsaðila:

Samningarnir kveða á um fjölda veikindadaga sem starfsmaður hefur áunnið sér síðustu 12 mánuði - út frá fjölda mánaða sem starfsmaður hefur unnið hjá fyrirtækinu. Þeir eru umreiknaðir yfir í tíma út frá skráðri lengd vinnudags í veikindaréttarsamningi.

ATHUGIÐ:

Talning á veikindarétti er gerð frá þeim tímapunkti sem tekin er út staða veikindaréttar á starfsmanni - þ.e. frá deginum í dag og 12 mánuði aftur í tímann.
Veikindaréttur er talinn samfellt aftur jafnvel þótt starfsmaður láti af störfum og komi aftur til starfa.
Veikindaréttur starfsmanns tekur mið af því starfshlutfalli sem starfsmaður er í á þeim tímapunkti sem veikindaréttur er talinn - fjöldi veikindastunda sem starfsmaður hefur skráða skalast ekki til hafi starfsmaður minnkað eða aukið starfshlutfall sitt frá þeim tíma sem veikindaskráning átti sér stað.
Veikindaréttur er ekki talinn ef: Ráðningarform starfsmanns er Ekki byrjaður, Verktaki eða Launalaust leyfi.
Ráðningarformið Lausráðinn og Afleysing reikna veikindarétt út frá skráðri viðveru en ekki samningsformi. Þá er reiknað hversu miklu starfshlutfalli viðkomandi hefur verið í miðað við skráðar færslur og útfrá því er rétturinn reiknaður. Ef ráðningarform breytist úr lausráðinn í fastráðinn breytist útreikningur frá þeim degi.
Veikindaréttur barna er óháður veikindaréttarsamningi. Hann reiknast skv.: fyrstu sex mánuði í starfi: tveir dagar fyrir hvern unninn mánuð, eftir 6 mánaða starfi: 12 dagar á hverju 12 mánaða tímabili - hámarks réttur vegna veikinda barna er 12 dagar. Veikindaréttur vegna barna reiknast alltaf í heilum dögum, starfsmaður í hlutastarfi fær því jafn marga en styttri daga vegna veikinda barna en starfsmaður í fullu starfi.
Veikindaréttur er eingöngu reiknaður fyrir taxtann DV (dagvinna) en ekki fyrir aðra taxta

Setja veikindaréttar samning á starfsmann

Til að virkja veikindarétt starfsmanns er viðeigandi samningur valinn í starfsferli starfsmanns:

Setja veikindaréttarsaming á marga starfsmenn

Ef setja eða breyta á veikindaréttarsamningi fyrir marga starfsmenn er farið í Umsjón>Starfsmenn>Aðgerðir>Breyta mörgum störfum. Þar er valið Veikindaréttarsamningur:

Hvernig sjá stjórnendur og/eða starfsmenn veikindarétt starfsmanns?

Þegar valin er ástæðan VE eða VB birtist upplýsingareitur sem segir til um stöðu veikindaréttar.

Staða veikindaréttar hefur engin áhrif á hvort hægt er að skrá á ástæðuna, notandi gæti hins vegar viljað gera skráningu á aðra ástæðu s.s. Launalaus veikindi ef starfsmaður á ekki veikindarétt sem hann getur nýtt.

Skýrslur um veikindi og veikindarétt

í Umsjón>Skýrslur eru tvær skýrslur sem veita yfirsýn um veikindarétt:

Veikindi og veikindaréttur
Staða veikinda barna

Kostnaður vegna veikinda

Ekki er haldið utan um kostnað vegna veikinda í Bakverði. Til að halda utan um slíkar upplýsingar þarf að lesa skráningar á ástæður VE og VB út úr Bakverði og inn í launakerfi. Til dæmis er hægt að koma upp launavinnslu til að lesa skráningar vegna veikinda inn í launakerfi.