2.7 Stofn - Starfsmenn - Fastir liðir
- HCM
Þegar búið er að skrá stéttarfélagsupplýsingar inn á starfsmann þá þarf að skrá inn fasta liði fyrir starfsmann.
Fastir liðir eru launaliðir sem starfsmenn fá greidda í hverri útborgun með fyrirfram ákveðinni einingu. Þeir eru settir upp til að minnka vinnu í launaskráningu. Þessi skráning er mest notuð fyrir fast hlutfall mánaðarlauna og þarf þá ekki að skrá launaliðinn inn á hvern og einn í hverri útborgun heldur einungis staðfesta alla fasta liði í einni aðgerð. Ef hlutfall mánaðarlauna kemur úr tímaskráningarkerfi þá eru engin mánaðarlaun skráð á fasta liði en þá er hægt að nota þessa skráningu fyrir aðra launaliði ef við á. Sjá nánari skýringar á notkun fastra liða hér
Skráning fastra liða á starfsmann
Farið í Starfsmenn og í flipann Fastir og hlutf.liðir og smellið á plúsinn í Fastir liðir til að byrja að skrá upplýsingar.
Reitirnir LT, LF og Þrep standa fyrir Launatafla, Launaflokkur og Þrep og eru eingöngu notaðir ef ná á í upphæð annars staðar en úr launatöflu starfsmanns sem verið er að skrá á.
Reitinn Einingaverð þarf ekki að nota fyrir launaliði sem sækja upphæð í launatöflu (flokk og þrep eða ákveðna upphæð í krónutöluhluta launatöflu) Ef upphæð fyrir launalið er 0 í krónutöluhluta launatöflu er hægt að setja inn þá upphæð sem viðkomandi starfsmaður á að fá í þennan dálk. Reiknast þá útfrá einingum.
Reiturinn Deild er eingöngu notaður ef viðkomandi launaliður á að fara á aðra deild en starfsmaðurinn er skráður á.
Síðan er hægt að setja fasta liði á Verk og Verkþátt ef við á.
Athugið að reitirnir Virkur frá og Virkur til miðast við færsludagsetningu á útborgun.