06 Stofn - Launatöflur

Ef skráning inn í alla flipana í launatöflum hefur verið kláruð þegar stofnupplýsingar voru skráðar inn þarf ekki að fara í gegnum þennan lið og hægt að halda áfram í næsta skref Stofn - Skatthlutföll

Ef allar stofnupplýsingar voru lesnar inn í innlestrarskjölum fyrir fyrirtækið þá er einungis búið að lesa inn upplýsingar í flipann Flokkar/Þrep og þarf því að klára að fylla út upplýsingar í hina flipana sem eru Hlutföll, Krónur, Orlofshækkanir og Þrepahækkanir. Einnig þarf að klára að setja inn upplýsingar fyrir töflu 0 Sameiginleg krónu- og réttindatafla.

LAUNATÖFLUR Í H3

Kerfið kemur uppsett með tveimur launatöflum

0 Sameiginleg krónu- og réttindatafla

Í sameiginlega krónu- og réttindatöflu er skráð allt sem á við alla í fyrirtækinu og er þá aðallega verið að nota 2 flipa í þeirri töflu, Krónur og Réttindaáramót. Þessari töflu má ekki eyða.

Tenging við allar launatöflur er í gegnum töflulið á launalið

Undir Krónur eru settir þeir launaliðir sem eru sameiginlegir fyrir alla í fyrirtækinu, t.d. hægt að setja orlofs- og desemberuppbót þar inn ef allir eiga að fá sömu krónutölu. Einnig er hægt að setja starfsmannafélag, matarmiða, samgöngustyrk, kílómetragjald o.fl. ef það sama gildir um alla. Við skráum hér líka launaliði sem 0 krónur. Þetta eru þá launaliðir sem hægt er að skrá á hvaða upphæð sem er í skrá tíma og laun. Þeir sækja þá ekki ákveðna krónutöluupphæð eða hlutfall. Ef launaliðir eru með misjafnar upphæðir eftir samningum þá setjum við þá upp í hverri launatöflu fyrir sig. Sjá dæmi um uppsetningu í sameiginlegri töflu:

Réttindaáramót koma uppsett með kerfinu og þarf að yfirfara þessa uppsetningu og breyta ef verið er að nota önnur réttindaáramót en eru í þessari uppsetningu.

100 Fyrirtækistaflan

Misjafnt er hvað fyrirtæki eru að nota margar launatöflur og hvort verið er að fara eftir uppsettum launatöflum stéttarfélaga eða hvort launatöflur eru einstaklingsmiðaðar. Það er þá hægt að nota þessa töflu sem fyrstu launatöfluna og gefa henni nýtt nafn eða eyða henni út og búa til nýjar.

Almennt er verið að setja upp launatöflur eftir kjarasamningum, t.d. BHM, VR, Efling, RSÍ o.fl. og þarf þá að setja upp flokka, þrep og rétt hlutföll útfrá vinnuskyldu í hverjum samningi. Það getur líka þurft að setja upphæðir í krónutöluhlutann ef það er eitthvað sem á bara við um þennan kjarasamning og er ekki sett upp í sameiginlegu töflunni.

Ef launatöflurnar hafa verið lesnar inn fyrir fyrirtækið er búið að stofna þær á þeim númerum og heitum sem voru valin og þá er hægt að smella á þessar töflur til að yfirfara upplýsingar eða klára skráningar.

Sjá dæmi um uppsetningar á launatöflum hér

Launatöflur - Skráning upplýsinga

Viðbótarfróðleikur um launatöflur

Launatöflur Flokkar og þrep Hlutföll Krónur Orlofshækkanir Þrepahækkanir Réttindaáramót