Viðhald aðgangsstýringa
- Nína Birna Þórsdóttir
Öllum þeim breytingum sem snerta á þáttum sem hægt er að aðgangsstýra, þarf að fylgja eftir í notendastillingum.
Dæmi þess eru þegar stofnaðar eru nýjar deildir, kostnaðarstaðir, verk og ástæður.
Eindregið er mælt með að aðlaganir á aðgangsréttindum séu gerðar á sniðmátum í Bakverði og breytingarnar keyrðar á alla notendur á viðeigandi sniðmátum.
Sjá betur hér Sniðmát notenda
Hægt er að aðlaga aðganga einstakra notenda, en auðvelt er að missa yfirsýn yfir aðgangsréttindi ef sniðmátin eru ekki látin ráða.
Í sumum tilfellum er það þó óumflýjanlegt eins og þegar um er að ræða aðgangsréttindi notanda niður á deildir, kostnaðarstaði og verk. Þá þarf að fara inn á Umsjón - Notendur og velja þann notanda sem á að hafa aðgang að nýju deildinni eða ástæðunni.
Aðgangur að deildum er stilltur undir Undirmenn.
Þegar hakað hefur verið við þær deildir sem notandi á að hafa aðgang að, þarf að smella á Geyma í neðra vinstra horninu.
Aðgangur að ástæðum er tvíþættur. Annars vegar er um að ræða aðgang að skráningum á ástæðu á eigin skráningar notanda og hins vegar aðgangur að skráningum á ástæðu undirmanna.
Undirmaður táknar það að notandi hafi aðgang að hans skráningum, en er ekki það sama og næsti yfirmaður.
Ástæðurnar er að finna í felliglugganum sem er gullitaður á myndinni. Hakað er við þær ástæður sem viðkomandi notandi á að hafa aðgang að og smellt á Geyma í neðra vinstra horninu.