Notendur

Notendur eru stofnaðir í Kerfisumsjón/Notendur

Reitur	Skýring
Notendanafn	Notendanafn skráist á allar breytingar sem notandi gerir í kerfinu og þarf því að vera auðkennandi. Notendanafn á alltaf að vera kennitala án bandstriks. Notendanafn skal vera í lágstöfum en má samanstanda af íslenskum stöfum, tölustöfum og táknum, mest 20 stafir. Séu fleiri en eitt fyrirtæki sett upp er notandanafn það sama í þeim öllum en það þarf að setja upp hlutverk í hverju fyrir sig.
Lykilorð	Einfalt lykilorð: Lykilorð skal vera í lágstöfum en má samanstanda af íslenskum stöfum, tölustöfum og táknum, mest 30 stafir. Þjónustuaðili hjá Advania getur sett upp flóknari lykilorðareglu og kröfu um að lykilorðinu sé skipt út á x mánaða fresti, valkvæmur fjöldi mánaða. Flóknara lykilorð: Lykilorð verður að samanstanda af að minnsta kosti þremur af eftirtöldum þáttum: hástafir, lágstafir, tölustafir og tákn
Heiti notanda	Fullt nafn notanda
Virkur	Sé hakið tekið úr getur notandi ekki skráð sig inn, gert þegar notandi hættir.
Aðgangur rennur út	Sett upp ef krafist er flóknari lykilorða, eitt og sér virkar þetta ekki.
Lykilorð rennur út	Sett upp ef krafist er flóknari lykilorða, eitt og sér virkar þetta ekki.
Stýrikerfisauðkenni	Nauðsynlegt er að setja inn stýrikerfisauðkenni ef notandinn á að fá aðgang að teningum eða hann vill eiga þess kost að ræsa H3+ án auðkenningar.
Netfang	Netfang notanda - notað til sendinga á tölvupósti úr kerfinu, t.d. þegar ferillinn um samþykktir launa er ræstur fer tölvupóstur á stjórnendur sem hafa það hlutverk að samþykkja laun, ef netfangið er inni. Sé kennitala launamanns fyllt út í reitnum "Launamaður" þá notar kerfið vinnunetfang úr launamanni í stað þessa netfangs.
Launamaður	Til að kerfiseiningin "H3 starfsmenn" birti eigin gögn notanda þarf að færa inn kennitölu hans, án bandstriks. Þetta þarf einnig að vera til staðar til þess að notandi fái á sig verkefni í verkferlunum
Tímaskráning
Notandanafn	Fyrir notendanafn í tímaskráningarkerfi
Lykilorð	Fyrir lykilorð í tímaskráningarkerfi

Það þarf að setja "Hlutverk" á notanda til að hann sjái einhver gögn.

Í uppflettiglugga má sjá hlutverk og velja þau inn á notanda, athugið að hlutverkið "ENGAR SÍUR" má einungis nota á þá aðila sem mega sjá ALLT.

Mælt er með að útbúin séu sérsniðin stjórnenda- og starfsmannahlutverk fyrir hvert fyrirtæki.

Dæmi um fullan aðgang launafulltrúa að launum og greiningu launa:

Hlutverk eru ekki stöðluð og eru því breytileg milli fyrirtækja. Til að sjá hvaða aðgang hlutverk veitir er farið í töfluna "Hlutverk"

Dæmi um takmarkaðan aðgang millistjórnanda að áætlunum og greiningum:

Dæmi um aðgang hjá stjórnanda sem hefur aðgang að öllum kerfishlutum sem fyrirtækið hefur samning um og öllum töflum og deildum. Hefur jafnframt aðgang til að veita öðrum starfsmönnum aðgang, gert með hlutverkinu Kerfh3+

Athugið !

Þetta hér að ofan eru aðeins dæmi, hlutverk má setja saman á margan hátt. Aldrei ætti að afhenda aðganginn til notanda með takmarkaðan aðgang nema prófa aðganginn fyrst.