Einstaklingsbundin laun - Afturvirkar launaleiðréttingar

Þegar laun eru leiðrétt aftur í tímann í vinnslunni "Einstaklingsbundin laun - Afturvirkar launaleiðréttingar" eru skráðar færslur úr völdum útborgunum sóttar og settar í mínus og nýjar upplýsingar sóttar fyrir plúsfærsluna.  Þannig er hægt að rekja leiðréttinguna færslu fyrir færslu.

Áður en farið er í að leiðrétta þarf að vera búið að eiga við Laun yfirskrifuð og/eða yfirvinna yfirskrifuð, allt eftir því hvað á við.

Skilyrði:

Valið er í skilyrði útborgun frá og til eða mánuður frá og til.

Valmöguleikar til afmörkunar á hópum eru Deild, Starfsheiti og Starfsstétt sem er fyllt út ef hækkunin nær til allra starfsmanna sem falla undir þau skilyrði.

Kennitala er valin ef einungis á að hækka einn starfsmann.

Launatafla er valin ef hækkunin nær til allra í þeirri töflu sem valin er.

Launaliðir: hægt að velja þá launaliði sem við á hverju sinni.

Laun yfirskrifuð:

Plúsfærslur eru sóttar í svæðið Laun yfirskrifuð og Yfirvinnutaxti yfirskrifaður sem er skráð í tímavídd á starfsmanni og svo eru sóttar færslur úr völdum útborgunum og settar í mínus og nýjar upplýsingar sóttar fyrir plúsfærslurnar.

Hópur (sía) hefur áhrif á leiðréttinguna þ.e. ef í síunni er "Í starfi" leiðréttast einungis þeir starfsmenn sem eru skráðir "Í starfi".  Ef keyra á leiðréttingu fyrir alla aðila í völdum útborgunum óháð stöðu starfs þarf svæðið "Hópur(sía)" að vera tómt.

Tímavídd:

Ef búið er að virkja tímavídd og framkvæma á afturvirkar launaleiðréttingar þá vinnur vinnslan nú samkvæmt skráningum í tímavídd. Skoðaðar eru tímabil skráninga á tímavídd á móti upphæðum í launatöflu á viðkomandi tímabili og hvað starfsmaðurinn fékk greitt. 

Bætt var við aðgerð í vinnsluna sem býður upp á það að leiðrétta laun óháð tímavíddarskráningum á starfsmönnum. Ef hakað er í rauða svæðið hér til hliðar þá miðast leiðréttingin við skráðar upplýsingar á starfsmanni sem eru í gildi á þeim degi sem vinnslan er keyrð.