Innlestur í launatöflu (lesa inn CSV skrá)

Ferli: Stofn - Launatöflur - Aðgerðir - Lesa inn launatöflu úr CSV skrá

Þegar þrep í launatöflum hækka ekki öll um sömu prósentu eða sömu krónutölu er ekki hægt að ná fullnægjandi árangri með aðgerðinni "Breyta launatöflu"
Hægt að taka bæði flokka og þrep út í Excel í launatöflum. Ekki þarf lengur að sækja þær upplýsingar undir Fyrirspurnir. Það auðveldar vinnu með hækkanir á óreglulegum launatöflum.

Stéttarfélögin gefa flest út launatöflur í excel eða á CSV formi.

Við vinnum með CSV formið í H3 og þurfum því að breyta skránni ef hún kemur sem excelskrá, við lesum inn eina töflu í einu.  Ef töflunúmer er ekki til þarf að byrja á að stofna það.

Ferlið.

1.  Afrita launatöflu

Ef margar launatöflur eru í sama skjalinu þarf að afrita þær og setja í ný skjöl hverja fyrir sig.

2. Innlestrarskjal þarf að innihalda línu efst sem segir til um þrepanúmerin sem nota á í launatöflunni.

3. Taka út þúsundpunkta

Ef sniðið á upphæðinni er þannig að .(punkturinn) sé gildi þarf að fjarlægja hann, þegar við veljum alla dálka og línur sem innihalda upphæð kemur gulur þríhyrningur sem við smellum á og veljum "Convert to number"

Ath að fara í format cells og passa að það sé ekki hakað í "Nota þúsundpunkta"

4. Að breyta exelformi yfir í CSV

Í excelskjalinu er farið í Save As og valið CSV(Comma delimited)

Um innlesturinn

• Alltaf er lesin inn heildarskrá.

• Við lesum inn í síðuna Flokkar/Þrep aðrar síður eru afritaðar úr fyrri gildistíma ef hann er til.

• Ef villa leynist í skránni er öllum innlestrinum hafnað og villuboð eru birt.

Skráarlýsingin

Þrepin geta verið eins mörg og þarf, taflan stækkar eftir fjölda.  

Innlestrarskjal fyrir launatöflur þarf að innihalda línu efst sem segir til um þrepanúmerin sem nota á í launatöflunni.

Þessi nýja lína skal byrja á orðinu "Haus" og þar á eftir koma þær tölur sem þrepin verða númeruð eftir með semikommu á milli:

Haus;0;1;2;3;4;5;6;7;8

og á eftir fylgja flokkar og upphæðir þrepanna:

01;311478;319264;327052;334839;342625;350413

Dæmi um innlestrarskjal (dæmi sýnir skjal sem búið er að vista sem csv):

Þegar búið er að lesa inn töflu þarf að huga að því hvort hlutföll eða fastar krónutölur eigi að breytast samkvæmt samningum.